Quicumque terrenis se habundare novit opibus, necesse est ut mercari ex his valeat æterna, Domino hoc in quodam loco docente, ubi precipit nobis amicos adquirere de bonis terrenis, ut mereamur ab eis recipi in æternis tabernaculis. Quam rem cogitans, ego Durannus cedo Domino Deo et ejus sanctis apostolis Petro et Paulo, et ad locum Cluniacum, ubi domnus abba Odilo preesse videtur, aliquid ex mea hereditate, hoc est vircaria una ex omni parte clausa, quam Merais, quedam nobilis femina, patri meo vendidit, quo vocatus est Gauzbertus, et ipse mihi in tali tenore dimisit ut, quamdiu mihi vita commaneret, tenerem, aut si in paupertate devenirem, et tunc et post meum obitum remaneret Sancto Petro et ad locum supradictum. Hanc ergo terram sine ullo contradicente monachi predicti loci teneant [et possideant]. S. Duranni, qui hanc cartam firmavit et scribere jussit. S. Alberici. S. Godolberti. S. Constabuli. S. Raimbaldi.