Sicut indubitanter fides credentium retinet, ita Christi benignitas mortalibus consulit ut ex bonis temporalibus, quo lege mortis amissuri sunt, mansura perhennis vite premia sibi valeant preparare, ut scriptum est: «Divicie viri redemptio anime ejus.» Quapropter notum sit omnibus christianis fidelibus in quadrifidis terrarum partibus consistentibus, quod ego Teuza, pro redemptione animæ meæ, dono Deo et sanctis apostolis ejus Petro et Paulo, ad locum Cluniacum, cui preest domnus Odilo abbas, aliquid de rebus meis quæ sunt sita in pago Matisconensi, in villa Bierias, videlicet unum campum; habet terminationes a mane et a meridie terra francorum, a sero terra Lamberti, a certio de ipsa hereditate. Si quis autem hanc donationem calumpniare voluerit, primitus iram Dei omnipotentis et sanctorum apostolorum incurrat, nisi ad emendationem venerit. S. Teuza, que hanc cartam fieri jussit. S. Drogonis. S. Rotberti. S. Berardi presbiteri. S. Bernardi presbiteri. Actum Cluniaco, die dominico.