Charta qua Bernardus et frater ejus Jocerannus notum faciunt se mansum in villa Cirgas et alias res monasterio Cluniacensi dedisse.
Noverit Christi fidelium tam moderna etas quam successura posteritas, quod ego Bernardus et frater meus Jocerannus, ad monasterium Sancti Petri quod est Cluniaci, ex proprietate nostra dedimus unum mansum situm in pago Matisconensi, in villa Cirgas, ob remedium videlicet anime fratris nostri Hugonis, ita ut possedimus, cum omni usu eum delegavimus, et cum terra arabili et pratis et vineis et cursu in boscum nostrum ibidem. Dedimus etiam prefato monasterio unum boscum juxta Besurniacum, silicet predicti beate memorie fratris nostri Hugonis, et Joceranni partem.
(Au dos:) In villa Cirgas.