CCE: cartae cluniacenses electronicae
Database of the Charters of the abbey of Cluny (802-1300)

BB 2101     View  [Back]
Charta qua wadiatores Wichardi, videlicet Willelmus, Agno, etc., dant monasterio Cluniacensi, de rebus et per jussionem ipsius, ecclesiam sancti Martini in villa Vallis.
In Dei omnipotentis nomine. Noverint cuncti Christi caractere insigniti, quod nos wadiatores Wicardi, Willelmus, Agno, Unfredus, Theotgrimus, per jussionem ejusdem senioris nostri, donamus de rebus ipsius ad locum Cluniacum, quod est constructum in veneratione Dei genitricis Marię, et beatorum apostolorum Petri et Pauli, sub regimine domni Odilonis abbatis, æcclesiam scilicet in pago Lugdunensi, in villa Vallis, in honore beati Martini dicatam, cum presbiteratu et decimis, et quicquid ad ipsam ęcclesiam aspicit vel aspicere videtur, totum ad integrum. Hæc autem donatio pro anima ejus omni tempore firma permaneat, et qui contradicere voluerit, vindicare minime valeat. Et ne impune secundum mundanam legem transire videatur, cui litem intulerit auri libram integram exsolvat; et deinceps inconvulsa permaneat. Actum Ionio castello publice. S. Willelmi, Agnonis, Unfredi, Theothgrimi, qui fieri et firmare rogaverunt. S. Duranni presbiteri. S. Girardi. S. Willelm[i] presbiteri.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung