Cunctis tam presentibus quam futuris notum sit, quod nos monachi Clunienses, obtentu donationis suprascriptę, ex voluntate et consensu domni Odilonis abbatis, omniumque seniorum et fratrum nostrorum, tam presentium quam absentium, donamus his hominibus, Ottoni videlicet, in presenti defuncto, et patri ejus Hugoni, et matri Arimburgę, et fratri ejus Odulrico, et uxoribus eorum Girildę et Odilę, filiis quoque ipsorum et filiabus, et omnibus parentibus illorum, partem et societatem in cunctis benefactis quę facta fuerunt in presenti loco Cluniaco, et in omnibus appendiciis ejus, in missis, in psalmis, in orationibus, et in cunctis divinis obsequiis. Donamus etiam eis unum pauperem omni tempore, quem vestiemus et calciabimus et pascemus. Facimus autem hanc donationem ex parte Dei et sancti Petri sanctique Benedicti, omniumque sanctorum, ut omnibus suprascriptis proficiat ad remedium et salutem animarum suarum. Ut autem firmum sit, manibus nostris firmamus. S. domni Odilonis, abbatis. S. Warnerii prioris. S. Almanni, Landonis, Jozaldi, Odulrici, Heynrici, Walonis.