In nomine sanctę et individuę Trinitatis. Ego Andreas dono Deo et apostolis Petro et Paulo, ad locum Cluniacum, cui preest domnus Odilo abbas, pro remedio animę meę et pro remedio animę uxoris meę Unomasę, villam quę vocatur Misiacus. Hęc terminatur a mane via publica, de ambobus lateribus de ipsa hereditate, a sero terra Aggladi. Dono etiam unum campum qui a la Maneria vocatur, habens de una parte viam publicam, de alia parte Rotar, a meridie et a sero de ipsa hereditate. De isto campo medietatem vobis dono; et in alio loco alium campum terminantem a mane terra Aynardi, a meridie et de alia parte via publica, a sero terra Sancti Petri. De ista terra la una medietatem vobis dono; alium vero campum et pratum simul terminantem vobis dono et de uno craio la quartam partem vobis tribuo, et quicquid ad ipsum mansum aspicere videntur vel aspiciunt, id est silvas, pascua, aquas aquarumque decursus vobis dono. In Monte quoque Bosonamgia unam vineam vobis dono. Et si quisquam homo est, qui hęc calumniari voluerit, auri libras V componat. S. Bernardi, Grassi, Gisonis, Bernardi, Beregni, Willelmi, Achini presbiteri, Girbaldi et filiarum ejus, Rotbergię, Richelmi.