Charta qua Drogo et uxor ejus Adaleidis dant monasterio Cluniacensi vineam et servos in villa Bugdonis.
Manifestum sit cunctis fidelibus tam presentibus quam secuturis, quod ego Drogo et uxor mea Adaleidis donamus Deo et sanctis apostolis ejus Petro et Paulo, ad locum Cluniacum, ubi preest domnus Odilo abba, aliquid de hereditate nostra, hoc est unam vineam in villa quę vocatur Bugdonis, totam partem quam ego possideo ad integrum dono predicto loco. Dono etiam unum servum, nomine Laurentium et uxorem ejus et cunctam ipsius progeniem; alterum quoque servum, nomine Christoforum et Girbergam sororem ejus. Hanc donationem facio pro redemptione animę meę, ut Dominus eripiat me a pęnis inferni. Si quis hanc donationem calumniari voluerit, damnabitur in pęnis, nisi congrue emendaverit. S. Drogonis et uxoris ejus Adaleidis, qui hanc cartam fieri rogaverunt et firmaverunt. S. Adalgardis, amittę ipsius. S. Ugonis. S. Artaldi, Atonis, Rodberti, Riculfi.