CCE: cartae cluniacenses electronicae
Database of the Charters of the abbey of Cluny (802-1300)

BB 2135     View  [Back]
Charta qua Beraldus dat monasteriis Cluniacensi et Celsiniacensi possessionem suam quæ non longe distat meridiano muro [Brivatensis vici].
Conditor etenim creaturarum semper desiderat aquirere, quamvis sit dominus omnium, et quos vult ad se trahi, non sinit diu in hac erumnosa vita implicari. Unde miseratione divina et ego B. commotus, sciens diu temporalia diversis casibus labentia, a quibus frequenter contactus cognovi sagatus omittere transeuntia et adquirere pro terrenis cęlestia, insuper etiam in ęternum mansura. Idcirco ad laudem et gloriam omnipotentis Dei et gloriosissimę Virginis Marię, omniumque celestium virtutum atque incliti martyris Juliani, atque omnium simul sanctorum, pro salute scilicet animarum Oddonis ac meę, patrum ac parentum nostrorum, sive et universę congregationis hujus, cunctorumque fidelium remissione adscribo, concedo, dono, affirmo ex meę possessionis jure beatis Petro et Paulo apostolis Cluniacensis seu Celsiniacensis cęnobiorum, in manum et potestatem Odilonis abbatis, necnon et Viviani, ac cęterorum sub regula fideliter eorumdem locorum viventium, per successionem temporum, videlicet possessionem que non longę distat meridianis muro, quę ab oriente est sita, quam adquisivit Oddo de Dalmatio vicecomiti, sicut in veteri videtur auctoritate, adherens Archimbaldi habitationi, et e regione Oddoini mansioni; a meridie vero finitur propria hereditate, quam adquisivit Oddo de Stephano et uxore sua Ermengarde, habens mansiones Sancti Genesii adherentes et ortulo ipsius Odilonis abbatis; ad occasum autem habitationem Dalmatio puero adjacentem, quam ei dedit ipse Odilo abba; ab aquilone vero jure proprio quod communiter fratres ipsius Oddonis dedere de Albuini successione, quę est terminus vię respicientis muro. Ergo ut hęc cessio firma et stabilis semper sit, ipse auctor cessionis manibus suis firmavit, et virorum nobilium fratrum, Pontionis videlicet atque Bertranni manibus, necnon patrum et seniorum, cęterorumque eidem loco servientium ac plurimorum fidelium personarum testimonio adsignare studuit, quorum hęc sunt nomina: Rotbertus prepositus, Beraldus decanus, Joseph, Dalmatius, Radulfus, Ebo, Stephanus, item Stephanus, Gaucelmus, Rotbertus, Petrus, Calixtus, Arlulfus, Odalricus, Leotaldus, Eustogius, item Eustogius; laicorum autem isti fuerunt: Dalmacius vicecomes, Stephanus vicarius; Ebo, Bertrannus, fratres; Dalmatius, Ildegerius, Bertramnus, Folconus, Theotardus, Gausfredus, Ricolfus, Eldigerius.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung