Charta qua Odolo dat monasterio Cluniacensi servum nomine Danielem cum uxore et filio curtilumque ad medium plantum in villa Rufiaco.
Notum sit omnibus quod ego Odolono dono hominem, nomine Danihelem, et uxorem ejus Dominicam, et infantes eorum, et unum curtilum qui est in villa Rufiaco, Jesu et Sancto Petro; et terminatur a ma[ne] via publica, de aliis partibus ipsa hereditate. Infra istas terminationes, vobis donamus a medio planto: eo tenore, ut dum vivimus predictus Danihel cum jam dicta uxore ejus et filio ad nostrum sint
usum; et post decessum nostri ad vos et successores vestros in locum sepulturę veniant pro animabus nostris. S. Odolonis, Warnerii, Gomari, Tefredi.