Charta qua Airrardus monachus dat Petro et Girbaldo terram ad medium plantum in Prissiaco, ita ut ea monasterio Cluniacensi post eorum mortem revertatur.
Convenientia quam fecit Airrardus monachus cum duobus homini
bus, Petro et Girbaldo, de quadam [terra] quę conjacet Prissiaco, vocata Planum Campum. Dedit namque eis supradictam terram in tali conventu, ut medium plantum faciant et mansiones ibi edificent, et omni anno VIII denarios reddant, et III corvatas. Post obitum vero, quicumque primus de hac vita discesserit, pars ejus cum fructu toto, si ibi fuerit, ad Sanctum Petrum perveniat. Si autem possibile illis fuerit, ut de sua substantia tantum donent ut cum ipso medio plantu Cluniaco sepeliantur cum Dei gratia; et si non potuerint vel noluerint, non conventum est ut pro medio plantu sepeliantur, sed in sua parrochia tumulentur, et beneficium Sancto Petro pro animabus eorum remaneat. Ut autem hęc conventio in vita eorum et postea, ita ut dictum est, firma et stabilis permaneat, dederunt fidejussores istos: Petrus dedit Durannum de Vetula Casa et Durannum filium Guitardi Torti. Girbaldus vero dedit Ainardum de Gras.