Charta qua Durannus et cæteri vendunt monasterio Cluniacensi pratum in villa Vetus Curt.
In nomine Dei. Ego Durannus et Rannaldus, Aimo, Arbertus, vendimus monachis Sancti Petri duas perticas et pedes X de prato pro XX denariis; et faciant ipsi monachi quicquid facere voluerint: hoc est in villa Viscurto; et terminatur a mane et a medio die terra Sancti Petri, a sero terra Arlabaldi, a tertio, rivo decurrente. S. Duranni, Rannaldi, Aimonis, Arberti, qui fieri et firmare rogaverunt. S. Grimaldi. S. Duranni. S. Girbaldi.