Quisquis Deo et sanctis ejus in isto presenti seculo de sua hereditate donat, ipse sibi in futura vita premium vitę ęternę preparat. Quapropter notum sit cunctis fidelibus, tam presentibus quam futuris, quod ego Walterius et fratres mei donamus Deo et sanctis ejus apostolis Petro et Paulo, et ad locum Cluniacum, in quo preesse videtur domnus Odilo abba, pro remedio animę fratris nostri Hugonis, unum mansum, qui est situs in pago Matisconensi, in villa quę vulgo dicitur Piriaco; et habet de omnibus partibus terminationes ex ipsa hereditate. Si quis vero contra hanc donationem aliquam litem inferre temptaverit, primitus iram Dei omnipotentis et omnium sanctorum incurrat, nisi ad emendationem venerit; et cui litem intulit auri libram persolvat, ut hęc carta firma et stabilis permaneat, cum stipulatione subnixa. S. Walterii. S. Witdonis. S. Humberti. S. Wigonis. Actum Cluniaci puplice, feria IIII^a. Arnulfus levita scripsit.