Notitia werpitionis cujusdam servi, nomine Bernardi, quam fecit Lambertus de Marziaco monasterio Cluniacensi.
Notitia werpitionis quam fecit Lantbertus de Marziaco, in presentia dunni Odilonis abbatis et Odurici prioris, Almanni, Warnerii, Andreę, Isnardi, ceterorumque fratrum, de quodam servo, nomine Bernardo, Sancto Petro. Nam rectitudinem quam habebat in eo dedit. Si vero contra rectitudinem aliquam calumpniam habebat Deo et Sancto Petro, Deo et Sancto Petro vuerpivit. Quod si aliquis fuerit qui hanc werpitionem sive donationem calumpniaverit, iram omnipotentis Dei et sancti Petri, principis apostolorum, incurrat, nisi cum satisfac[t]ione emendaverit.