Charta qua Aimenildis femina, consilio et voluntate filii sui Gerardi, dat monasterio Cluniacensi mansum in villa Moneria.
Institutum et quasi pro lege traditum a predecessoribus est nostris, ut hii qui ex afluentibus sibi bonis, aliquid Deo militantibus tribuunt, literis commendentur, quatinus in posterum nulla oblivione possit esse
abolitum. Hęc ego Aimenildis complens, pro remedio animę meę parentumque meorum, cum consilio et voluntate filii mei Gerardi, cędo Domino Deo beatisque apostolis Petro et Paulo, ad locum Cluniacum, cui dunnus abba Odilo preest, unum mansum in villa Moneria, sicut Salomon presbiter ex me tenuerat; et est in parrochia Turciacensi. Ne quis hanc donationem facere possit irritam, manu propria firmo aliosque firmare volo. S. Aimenildis. S. Gerardi, filii ejus. S. Radulfi. S. Gunberti. S. Airrici. S. Gunberti. S. Bernardi.