In Christi nomine. Notum sit cunctis fidelibus, quod ego Maiolus, dono Deo et sanctis ejus apostolis Petro et Paulo, ad locum Cluniacum, cui videtur preesse et prodesse dunnus Odilo abba, aliquid de hereditate mea pro salute animę meę, et meorum parentum, scilicet duos mansos in territorio Matisconensi, in villa quę vocatur Varengo; et in uno manso habetur unus servus, nomine Maiolus, quem etiam dono cum uxore sua et infantibus suis, cum silvis et pratis et omnibus ad ipsum mansum pertinentibus. Alius mansus habet duas mansiones, et vineam quę terminatur a mane terra Sancti Petri, et a meridie et a sero via puplica, a cirtio terra Sancti Petri. Dono etiam in ipsa villa de hereditate quę mihi a patre et matre succedit, omnem tertiam partem, et in omnibus omnino locis, ubicunque mihi a paterno et materno jure eveniunt, quesitum et ad inquirendum. Et in altera villa quę dicitur Flagiaco, de uno manso totam partem ad me pertinentem, et in silva quadam quę vocatur Vaura, totam meam partem de cunctis reditibus trado: donans jam dicto loco, tali ratione, ut quandiu libera senioribus loci hujus permanserit, arbitrio illorum regatur; si vero alicui data fuerint, a parentibus tollantur. Quam donationem taliter facio firme ac libere, ut si aliquando aliquis vel etiam ex parentibus meis contradicere voluerit, componat C auri libras supradictis senioribus loci memorati. S. Maioli, qui hanc cartam facere et firmare rogavit. S. Stephani. S. Gisleberti. S. Aimonis. S. Siguini, filii ejus.