Charta qua Grimaldus dat monasterio Cluniacensi domum campumque in villa Aiona.
Dominus dicit in Evangelio: «Date elemosinam et ecce omnia munda sunt vobis.» Propterea ego Grimaldus dono aliquid de mea heredi
tate Domino Deo et sanctis ejus apostolis Petro et Paulo et ad locum Cluniacum, cui dunnus Odilo abba preesse videtur, videlicet unam mansionem cum vinea; et terminatur a mane terra Tetsane, ex alia parte terra Sancti Andreę, de tertia de ipsa hereditate, et habet perticas in longum XXX
ta II
as, in transversum V et dimidiam. Et in alio loco dono unum campum qui vocatur Adcrat, et habet perticas in longum XXXVI, et de transverso VII; a mane terra Sancti Petri, et ex alia parte terra Tetsane, de tertia terra Sancti Martini, in quarta terra Ermenaldi. Quę hereditas est sita in pago Matisconense, in agro Uriaco, in villa Aiona. Pro remedio animę meę ac in locum sepulturæ, hęc omnia trado ad locum supradictum; et faciant rectores ipsius loci quicquid facere voluerint. Et si homo est qui contradicere voluerit, iram incurrat Dei omnipotentis, et postea permaneat firma et stabilis. S. Grimaldi, qui hanc donationem fecit et ipse firmavit firmareque alios rogavit. S. Tetonis. S. Odulfi. S. Johannis. S. Ermenaldi. S. Gerardi.