Mos est, licet non scripta, et usu communi pro lege tenetur, ut de rebus ecclesię quibuslibet etiam secularibus per scripturę aliquid sub censu concedatur. Quapropter notum sit cunctis fidelibus, tam presentibus quam futuris, quod domnus Rotbertus prior et domnus Hugo decanus concesserunt cuidam viro, nomine Adalberto, unum dimidium plantum cum domo ad ipsam terram pertinente. Est autem ipsa terra in territorio de Masiliis, et de omnibus partibus [terminatur] terra Sancti Petri. Fecerunt autem taliter hanc donationem, ut quamdiu vixerit teneat et possideat: quartam vero et decimam partem fideliter persolvat; et post suum discessum in locum sepulturę ad Sanctum Petrum et ad locum Cluniacum deveniat, et pro redemptione animę ejus. S. Rotberti. S. Hugonis. S. Tirici. S. Richardi. S. Adalberti.