Notum sit omnibus fidelibus matris ęcclesię, tam presentibus quam futuris, quod ego Artaldus et uxor mea, propter amorem Dei omnipotentis, et pro remedio animarum nostrarum ac omnium parentum meorum, facimus donationem de his servulis nostris, filiis Duranni et fratribus Wilelmi, atque Raginerii, et Magnalium cum filiis suis, ipsis et omnibus qui de illis nati sunt vel erunt, ut servitutem nulli reddant homini, nisi soli Deo et Sancto Petro. Et ut ista liberatio vel donatio firma et stabilis permaneat, manibus propriis firmavimus aliisque firmare rogavimus. S. Artaldi, qui fecit et ipse firmavit. S. Ugonis. S. Walonis. S. Ugonis. S. Wichardi.