Charta qua Gundulricus dat monasterio Cluniacensi, pro anima fratris sui Bernardi, curtilum tertiamque partem campi cujusdam in villa Bugdono.
In nomine summę et individuę Trinitatis. Ego Gundulricus dono Deo et sanctis ejus apostolis Petro et Paulo, ad locum Cluniacum, unum curtile pro remedio animę fratris mei Bernardi; et est situm in villa Bugdono, et terminatur a mane de ipsa hereditate, a medio die via publica, a sero terra Teudini, a cirtio de ipsa hereditate. Dono etiam in ipsa villa tertiam partem unius campi qui terminatur a mane terra Duranni, a medio die de ipsa hereditate, a cirtio terra Johannis. Facio autem hanc donationem ut Dominus pro sua pietate concedat ei veniam omnium delictorum suorum. Et ut firma et stabilis permaneat, manu propria manu firmavi testibusque tradidi robora[n]dam. S. Gundulrici, qui fecit et ipse firmavit. S. Rannaldi. S. Duranni. S. Bernardi. S. Arlei. S. Humberti. S. Adalgardis.