Charta qua Mairannus dat monasterio Cluniacensi, pro anima sua et anima uxoris suæ Isemburgis, vineam in villa Sancti Florenti.
Noverint cuncti Deo militantes, quod ego Mairannus dono Deo et
sanctis apostolis ejus Petro et Paulo, et ad locum Cluniacum, pro remedio animę meę et uxoris meę Isemburgis et infantum meorum, luctum vineę in pago Pictavensi, in villa Sancti Florenti, et propter censum monetę. Dunnus abba Odilo et omnis congregatio Cluniensis laudant has petitiones, quandiu ipsi duo vixerint homines, et omni anno dabunt propter censum monete senioribus Cluniensibus libras VII. Istę autem duę vineę jam dictę ab istis nominatis duobus viris Gemone et Mairanno donatę, debent censum ad locum Sancti Salvatoris, videlicet IIII denarios, quos seniores Cluniensis persolvent.