CCE: cartae cluniacenses electronicae
Database of the Charters of the abbey of Cluny (802-1300)

BB 2234     View  [Back]
Commutatio terrarum in villis Masiriaco et Noglas inter monachos Cluniacenses, ex una parte, et Hubertum uxoremque ejus Unbergam, ex altera.
Scamium quod fecerunt Hubertus et uxor sua Unberga contra domnum abbatem Odilonem et monachos Sancti Petri Cluniensis in villa Masiriaco, de uno campo quem donant Sancto Petro, terminatum de omnibus partibus terra Sancti Petri; et habet in longum perticas XLVIII, et in latum XXXIIII. Et monachi donant ipsis, in villa Noglas, tres peciolas de vinea; et terminatur a mane terra Abbonis, a medio die terra Joceranni, a sero terra Osanne, a quarta parte via publica. In ipsa villa, in alio loco, alia peciola terminatur de duabus partibus via publica, a tertia parte terra Jozeranni, de IIIIta parte terra Wiberti. Et faciant ab hac die ipsi monachi quicquid facere voluerint.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung