CCE: cartae cluniacenses electronicae
Database of the Charters of the abbey of Cluny (802-1300)

BB 2239     View  [Back]
Charta qua Landricus presbyter et Robertus, wadiatores Otberti, dant monasterio Cluniacensi, de rebus et pro anima illius, vineam in villa Sarciaco.
In nomine Verbi incarnati. Noverint cuncti fideles, quod ego Landricus presbiter et Rodbertus, vuadiatores Otberti presbiteri, donamus Deo et sanctis apostolis ejus Petro et Paulo, et ad locum Cluniacum, aliquid ex rebus ipsius Otberti: hoc est vineam quę est sita in pago Matisconense, in villa Sarciaco. Terminat ipsa vinea a mane terra Sancti Nazarii, a medio die terra Martini, a sero similiter, a cercio de ipsa hereditate; habet in longo perticas XXXVIII, et in lato quatuor. Dono hanc vineam pro remedio anime meę, ut pius Dominus in futuro michi dignetur esse propitius. Actum Cluniaco publicę. S. Landrici et Rodberti, vuadiatorum, qui fieri et firmare rogaverunt. S. Ornadi presbiteri, Girbaldi, Landulfi, Duranni, Ledbaldi. Data die lunę, mense januario, regnante Hugone rege anno VII.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung