Charta qua Engelfredus et Bertardus vendunt monasterio Cluniacensi pratum in villa Besorniaco.
Similiter Engelfredus et Bertardus vendiderunt senioribus de Cluniaco pratum infra jam dictam villam Besorniacum, quod terminatur de uno latere fluvio decurrente, de alio latere et de una fronte terra
Sancti Petri de Alciaco, de alia fronte terra Sancti Vincentii; et acceperunt ab eis precium duorum solidorum: tali tenore ut omni tempore ipsum pratum ad monasterium pertineat Cluniacum, et de ipso faciant rectores ipsius loci quod melius voluerint. Actum Besorniaco. S. Engelfredi et Bertardi, qui vendiderunt et firmari rogaverunt. S. Gontardi. S. Aremberti. S. Walterii. S. Girbaldi. Data per manum Girbaldi presbiteri, VI feria, mense marcio, anno VII regnante Hugone rege.