In nomine Verbi incarnati. Notum sit omnibus fidelibus christianis, quod ego Undrada, uxor Freconi, dono Deo et sanctis apostolis ejus Petro et Paulo, et ad locum Cluniacum, cui preest domnus Odilo abba, pro anima ipsius Freconi, aliquid ex rebus nostris que sunt site in pago Cabilonensi, in villa Istriniaco, hoc est mansum unum cum omnibus que ad ipsum mansum aspiciunt vel aspicere videntur, hoc sunt vinee, campi, prati, silve, quesitum et ad inquirendum, totum et integrum. Itemque dono in villa Nugerold vineam unam quam Cœlestus dedit filio meo Rodberto. Facio autem hanc donationem ego Undrada pro anima senioris mei Freconi et pro mea, ut Dominus in futuro seculo nobis dignetur esse propitius. Faciantque rectores Sancti Petri quicquid voluerint de omnibus ab hodierno die et deinceps. Si quis autem contra hanc donationem aliquem litteram intulerit, auri unciam unam persolvat, cogente autem judiciaria potestate; et hec donatio firma et stabilis permaneat, stibulatione subnixa. Actum Cluniaco publice. S. Undrade, qui hanc donationem fieri et firmare rogavit. S. Stephani. S. Heldini. S. Girberti. S. Vulgrini. S. Bernardi. S. Landuini. Data mense aprili, regnante Hugone rege anno VII. Evrardus levita, ad vicem cancellarii, recognovit.