Ego igitur, in Dei nomine, Berneardis, uxor Gelberti, et filius meus Raymundus, donamus Deo et sanctis apostolis ejus Petro et Paulo, et ad locum Cluniacum, aliquid ex rebus ipsius Ingelberti, que sunt site in pago Matisconense, in agro Galoniacensi, in villa Castello, ad Roclena vocat, hoc est vineæ medietatem unam; terminat ipsa vinea a mane via publica, a medio die de ipsa hereditate, a certio via publica, a sero de ipsa hereditate. Infra ipso terminio, medietatem donamus. Donamus etiam campum in ipso loco, juxta ipsam vineam supradictam; terminat a mane de ipsa hereditate. Infra isto terminio, totum campum, sicut supra insertum est, donamus pro anima Ingelberti, ut Dominus ei dignetur esse propitius, et pro anima Eldeberti. Actum Cluniaco publice. S. Berneardis et filii sui Raymundi, qui fieri et firmare rogaverunt pro animabus Ingelberti et Eldeverti. S. Gunterii presbiteri. S. Eldradi presbiteri. S. David. S. Aymoni. S. Constant. S. Bernart. S. item Constant. S. Arlulfi. Data mense junio, regnante Hugone rege anno VII. Evrardus levita scripsit, ad vicem cancellarii.