Charta qua Milo et uxor ejus Ermengardis dant monasterio Cluniacensi ecclesiam sancti Sulpitii de Laisiaco.
Sacrosanctę basilice in honore summi Dei et sanctorum apostolo
rum Petri et Pauli, ubi domnus Odilo abba preesse videtur. Noverint omnes filii ecclesię, qualiter ego, in Dei nomine, Milo dono, pro remedio anime mee et uxoris meę Ermengardis, aliquid de mea hereditate quę residet in pago Matisconense, in villa Laisiaco, in agro Solorniaco, hoc est unam ecclesiam in honore sancti Sulpicii, et quantum in ipsa villa mihi habere videtur, vel et ad ipsam ecclesiam pertinet, vobis trado: campos, prata, silvas, mansos et quicquid ad ipsam villam pertinet, et totum quantum habeo in villa que vocatur Maornag, et in altero loco quę Septem Molendinos vocant, cum servis et ancillis, quesitum et inquirendum, totum vobis dono. Testes: Milo, Ermengardis, Azilina, Narduinus, Torombertus, Vuido, Racul, Ugo, Anselardus, Albericus, Otto comes, Irvis comitissa. Rotbertus levita scripsit.