Notitia werpitionis quarumdam rerum in villa Valentiola monasterio Cluniacensi a Pandulfo milite et uxore filiisque ejus factæ.
Notitia vuerpitionis quę facta est apud Arginzoscum castrum. In nomine summę Trinitatis. Notum sit fidelibus cunctis, tam presentibus quam futuris, quod domnus Vuarnerius, prior Cluniacensis, una cum reverendis fratribus, Armanno scilicet et Heldeberto atque Archimbaldo, adiit presentiam domni Pandulfi nobilis militis, proclamans se de quadam injusta querela quam ipse habebat in quadam terra in finibus sita villę Valentiolensis: qui agnoscens ejus rectam proclamationem, Dei amore ductus, consentiente uxore [sua] Leudgarda, filiisque suis Lanberto, Atenulfo, Guntardo, non solum predictam querelam dimisit, sed etiam si quod ad suam suorumque rectitudinem
pertinebat, et quicquid ipse vel sui contrapellabant infra fines vel terminationes quas comes Vuillelmus devuidavit, inter terram de Arginzosco et Valentiola, quia injustam hanc suam querelam esse cognovit, totum Deo et Sancto Petro vuerpivit et dedit. S. Pandulfi et uxoris ejus Leudgardę. S. filiorum ipsorum Lanberti et Atenulfi, [Gontardi]. S. Isnardi. S. Jonę. S. Dodonis. S. Artaldi. S. Riperti.
(Au dos:) Verpicio Pandulfi militis, in villa Valenciola, in pago Regense.