Cupio ut nota sit omnibus hominibus hęc venditio quam fecimus ego Umbertus et uxor mea Aimeldis de terra nostra quę adjacet in circuitu Vallis ęcclesię, in pago Lugdunensi. Vendimus jam dictam terram monachis Cluniensibus, accipio ab illis pro pretio octoginta solidos: hoc est unum curtilum et campum simul tenentem; terminat de duabus partibus ab ipso venditore, a medio die et a cercio via publica. Infra istas terminationes, totum vendimus pro ipso precio supradicto, quod accepimus. Et hoc facimus pro remedio animarum nostrarum et parentum et filiorum; et faciant monachi quicquid facere voluerint. Et si aliquis (quod absit!) contradicere voluerit, auri uncias IIII componat, et hęc venditio firma et stabilis permaneat, cum stipulatione subnixa. Actum villa Vallis. S. Umberti et uxoris ejus Emeldis, qui fieri et firmare rogaverunt. S. Berardi. S. Wicardi. S. Leotaldi et filiorum ejus. S. Hugonis. S. Pontii. S. Aimonis levitę. S. Ildini. S. Tetonis. S. Maalberti. S. Hugonis. S. Umberti. S. Duranti. S. Rotbaldi. S. Aimonis, qui scripsit, regnante Rodulfo rege.