Noticia guerpitionis quam fecit comes Willelmus Deo et sanctis ejus apostolis Petro et Paulo. Notum esse volumus omnibus Christi caractere insignitis, qualiter ego Willelmus, per divinam gratiam comes, veniens Cluniaco atque a senioribus memorati loci honorificentissime susceptus, feci guerpitionem simul et donationem pro remedio animę meæ et per deprecationem venerandæ memorię domni Rainaldi, prioris, ceterorumque monachorum loci jam dicti, de omni querela servicii et consuetudinis quam exigere solebamus, ego et antecessores mei comites, ab hominibus Sancte Marię Belmontensis, qui manent in Siniciaco et in Letua et in tota potestate, quę ad supradictam Dei casam respicit. Si quis autem huic nostrę obstipulationi aliquando contradicere presumpserit, excommunicationi subjaceat; et ut firmius stabiliusque permaneat, manu propria firmavi, et aliis roborandam tradidi. S. Willelmi, comitis, qui firmavit et firmare fecit. S. Rainaldi, prioris Cluniacensis et aliorum multorum.