Charta qua Bernaldus dat monasterio Cluniacensi ecclesiam sancti Dionysii, in pago Lugdunensi.
Divina pietate legumque actoritate sancitum est, ut de terrenis rebus celestia adquirere debeamus. Quapropter hoc ego quidem, in Dei nomen, Bernaldus dono Deo sanctisque suis apostolis Petro et Paulo,
ad locum qui dicitur Cluniaco, hubi domnus Oydelus abbas preesse videtur, hoc est ecclesia que est constructa apud pago Lucdunense et in onore beati Dyonisii martiris Christi dedicata, de ipsa ecclesia dono Deo et sanctis apostolis illam partem que mihi legibus obvenit de decimis et de terra arabile et de oblationes que ad altario pertinent; et faciant post hunc diem jam predicti Deo devoti quiquid facere voluerint inde, et in omnibus habeant potestatem. Manu mea propria ceterisque parentibus meis firmare postulavi: Vuillelmus, Rotlannus, Vuitbertus, Bernardus, Etelenus, Durannus, Vuarnaldus, alius Durannus, Suvuro. Data per manu Johanno sacerdoti, in die dominico, I kalendas aprilis, regnante Raulfo rege.
(Au dos:) Bernaldi, ecclesia Sancti Dionisii, in pago Lugdunensi.