Charta qua Dominica et filii ejus dant monasterio Cluniacensi vineam in villa Segia.
Ego, in Dei nomine, Dominica quedam femina et filii mei donamus supremo(?) Deo et sanctis apostolis ejus Petro et Paulo aliquid ex rebus meis que sunt site in pago Maticensi, in villa Segia: hoc est vineam unam; terminat ipsa vinea a mane via publica, a medio die de ipsa hereditate, a sero terra Sancti Petri, a cercio terra Bernardi et Odilinæ. Infra isto terminio, dono supradicto Sancto Petro in tali tenore, ut quamdiu vixero teneam; post meum discessum, ad Sanctum Petrum perveniat, et faciant rectores Sancti Petri quicquid facere voluerint. Actum Segia villa publice. S. Dominice, qui fieri et firmare rogavit. S. Rodberti, filii sui. S. Rannaldi, filii sui similiter. S. Livoni. S. Vuidradi. S. Johannis. S. Rannaldi. S. Leotaldi. S. Gisle. S. Gotefredi. Data mense aprili, regnante Hugone rege anno VIII. Evrardus scripsit.
(Au dos:) Dominica in Segia.