CCE: cartae cluniacenses electronicae
Database of the Charters of the abbey of Cluny (802-1300)

BB 2308     View  [Back]
Charta qua wadiatores Tebrandi, scilicet Dretbergia, mater ejus, etc., dant monasterio Cluniacensi, medietatem rerum illius pro anima ejusdem Tebrandi in villa Buferias.
Dum in hujus seculi vivitur laboriosa peregrinatione, considerandum nobis est quod in futurum nobis expediat. Quapropter noverint cuncti fideles, quod nos wadiatores Zebrandi, ego Dretbergia mater ejus, et Evrardus frater ejus, et Rainardus et Gausbertus, donamus pro anime ejus remedio ex rebus quas possedit Sancto Petro, quę sunt sitę in pago Matisconense, in agro Mediolanensi, in villa Buferias. In primis donamus medietatem unius curtilis et unius mansi, ubi vocatur in Valarico, et terminantur de tribus partibus de ipsa hereditate, a tertio terra Adalardi et Eldierii et Giberganę. Infra istas terminationes, totam medietatem curtilis et mansi. Item donamus in eadem villa medietatem unius curtilis et unius vineę simul tenentis, ubi ad Closo vocatur; et terminatur de duabus partibus de ipsa hereditate, de tertia parte terra Evrardi, de quarta parte via puplica. Et donamus illius plantę quam vocant in Exarto Marcello, et terminatur de tribus partibus de ipsa hereditate, et a tertio terra Otberti totam medietatem. Et item donamus medietatem I curtilis quem vocant ad Puteum, et terminatur de I latere et I fronte terra Maynardi, de tertia parte terra Sancti Petri, et a certio de ipsa hereditate. Et donamus medietatem I campi et unius prati ubi vocatur a Valerico; et donamus medietatem prati quem vocant in pratum Buferandum. De omnibus terris quas supradictus Zetbrannus tenuit vel possedit in Buferias, excepto prato quem vocant ad Fraxinum, et ad Molnarium, donamus medietatem, in campis videlicet, in pratis, in silvis, in aquis, quesitis et inquirendis, totum ad integrum, et faciant monachi Sancti Petri quod voluerint ab hodierno et deinceps. Actum Besorniaco. S. Dretbergię et Evrardi et Rainardi et Gausberti, qui fieri et firmare rogaverunt. S. Huberti levitę. S. Rolanni clerici. S. Adalgesius. S. Aldulfi. Data mensse novembri, regnante Rotberto rege anno I.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung