Charta qua Stephanus levita notum facit se monasterio Cluniacensi curtilum et vineam in villa Arteduno pro anima sua et fratrum suorum Desiderii et Eldeberti dare.
In nomine Verbi incarnati. Notum sit omnibus vicinis nostris, quod ego Stephanus levita dono Deo et sanctis apostolis ejus Petro et Paulo, et ad locum Cluniacum, cui preest domnus Odilo abba, aliquid ex rebus meis, pro remedio animę meę et patris ac matris meę ac fratrum meorum Desiderii et Eldeberti, quę sunt sitę in pago Forensi, in fine Arteduno, in ipsa villa: hoc est curtile cum vinea; et terminantur a mane terra Jarentoni et heredum suorum, a medio die gutta sicca, a sero item Jarentoni, a certio via publica. Infra istas terminationes, totum vobis dono, dum vivo, usum et fructum, et post meum discessum; ut a die presenti faciant rectores ejusdem loci quicquid voluerint, et habeant in vestitura unam vicariam in ipso loco. Si quis hanc donationem voluerit calumpniare, quod repetit non valeat vindicare, sed judicio plenari convictus auri uncias X persolvat; et postea firma et stabilis permaneat. Actum Arteduno puplice. S. Stephani levitę, qui fieri et firmare rogavit. S. Desiderii. S. Eldeberti. S. Raginberti presbiteri. S. Constantii presbiteri. Anno quarto Rotdulfi regis.