Charta qua Odilo, abbas Cluniacensis, notum facit se, cum consensu fratrum, vineas in villa Laisiaco benedicto sacerdoti in precaria concessisse.
Notum sit omnibus presentibus et futuris, quod ego frater Odilo, consensu fratrum, dono aliquid de rebus Sancti Petri Benedicto sacerdoti, in comitatu Matisconense, in villa Laisiaco, videlicet VI vineas, tali tenore, ut quandiu vixerit teneat et possideat, et omni anno unum modium de vino persolvat ad monachos; et post suum obitum ad Sanctum Petrum revertatur. S. donni Odilonis abbatis. S. Viviani. S. Letbaldi episcopi. S. Warnerii. S. Rainaldi. S. Silvionis. Bertrannus monacus scripsit.