Divina pietate legumque auctoritate sancitum est, ut de terrenis rebus cęlestia adquirere debeamus. Quapropter ego Siybodus dono Deo et sanctis ejus apostolis Petro et Paulo, ad locum Cluniacum, cui pręest dunnus Odilo abba, unum curtile cum exitibus et regressibus suis in pago Lugdunensi, in agro Cavariaco, in villa Dunsiaco; et terminatur a mane rivo volvente, ab aliis tribus partibus de ipsa hereditate, et post hunc diem faciant ipsius loci rectores quicquid voluerint, nemine contradicente. Qui autem contradixerit, auri uncias duas componat, et postea firma permaneat, cum stipulatione subnixa. S. Siybodi, qui donavit et ipse firmavit. S. Achardi presbiteri. S. Rotlantdi. S. Antelmi. S. Adalberti. S. Adalberti (sic). Data per manus Johannis sacerdotis, die lunis, XVIIII kalendas januarias, regnante Rotdulfo rege.