Charta qua Ornadus fratresque atque nepotes ejus dant monasterio Cluniacensi duas rascias vineæ in villa Rufiaco.
In nomine Verbi incarnati. Notum sit omnibus sub norma catholice fidei nobiliter militantibus, quod nos, ego scilicet Hornadus et fratres mei et nepotes mei Hildinus et Icbertus donamus aliquid de nostra hereditate Sancto Petro, que sita est in pago Matischonense, in villa Rufiaco: hec est vinea duas rassias, Canevas vocat; termi[na]tur autem sic: a mane et a medio die via publica, a sero terra Sancti Petri, a cercio terra Sancti Cirici. Facimus autem hanc donationem pro remedio anime sororis nostre Eve, et in locum sepulture ejus; et ut hec donatio firma permaneat, manibus propriis firmavimus testibusque
tradidimus roborandam. S. Hornadi clerici. S. Gisleberti. S. Aremberti. S. Bernardi. S. Ildini. S. Ledberge. Actum Cluniaco publice, regnante Rodberto rege. [S. Icberti.]
(Au dos:) Ornadi in Rofiaco.