Notum sit omnibus fidelibus, qualiter nos, ego Leodegarius et Costabilis, frater meus et Eldeburgis, soror nostra, et Ainrudis, alia soror nostra, et item alia soror nostra Ermengardis, vendimus alodum quendam monachis Cluniensibus, in loco Graverio, in villa Siniciaco, in fine Rofiaco: unam raxam de vinea, et habet in longo perticas XLVII, et in uno fronte perticas duas, et in alio fronte perticam unam et dimidiam; et accepimus per manum domni Lamberti monachi precium quinque solidorum, atque de nostra dominatione in vestra tradimus potestate. Actum Belmonte publice. S. Leodegarus. S. Constabilis. S. Aaldeburgis. S. Ainrudis. S. Ermengardis. S. Duranni. S. Landrici. Actum Belmonte publice, regnante Rodberto rege. Almannus levita rogatus, vice cancellarii, scripsit.