CCE: cartae cluniacenses electronicae
Database of the Charters of the abbey of Cluny (802-1300)

BB 2330     View  [Back]
Charta qua Tetardus et uxor ejus Eldeburgis vendunt monasterio Cluniacensi alodium suum in villa Siniciaco.
Notum sit omnibus fidelibus, qualiter ego Tetardus et Eldeburgis, uxor mea, vendidimus alodum q[u]emdam quem de medio planto beate Mariæ Belmontense socer meus Adalricus conquisivit, monachis beati Petri Cluniensis, in loco Belosia, in villa Siniciaco, in fine Rofiaco, hoc est unam raxiam de vinea; terminat de uno latus terra Sancte Mariæ et de alio latus terra Gerlei et de uno fronte via publica, et de alia fronte terra Sancte Mariæ. Et accepimus per manum domni Lanberti monachi precium solidorum III et dimidium; atque de nostra dominatione in vestra tradimus potestate, ad habendum et possidendum sine ulla contradictione. Et ut hec carta firma permaneat, manibus nostris firmavimus testibusque tradidimus roborandam. S. Tetardi et uxoris ejus Eldeburgis. S. Nadalis et Duranni, filiis eorum. S. Rainelmi. S. Tedbaldi. S. Basini. S. Duranni. S. Landrici. S. Dominici. S. Deodati, clerici. Actum Belmonte publice, regnante Rodberto rege. Almannus levita, vice cancellarii, scripsit.
(Au dos:) Venditio Tetardi in Belosia.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung