Antiquitus per divinam providentiam est mos institutus nobisque a majoribus traditus, ut si quis alicui sancto vel homini voluerit de propria hereditate jure possessionis perpetualiter concedere, per testimonium litterarum notum posteris procuret facere. Ego igitur Arleius, reminiscens extremi judicii metum et perpendens bonorum omnium felicem remunerationem, rebroborum quoque pavendam dampnationem, dono Deo et sanctis ejus apostolis Petro et Paulo, pro remedio anime matris mee Eve, aliquid de mea hereditate que sita est in pago Matisconense, in villa Varingo, dono unum curtilum cum mansione, et prato simul tenente. Habet in conclusum quinquaginta quinque perticas et quinque pedes; terminat a mane et a cercio terra Sancti Petri, a medio die terra Ingelelmi, a sero terra Ingelelmi et via publica. Dono in villa Maliaco, a la Corbaranda vocat, unum campum qui habet in longo perticas triginta sex, et in latum decem; termina a sero terra Sancti Petri, a mane et a medio die et a cercio terra francorum qui Buggencii vocantur. Dono in alio loco, in Valle Marisca vocat, unum campum qui habet in longo perticas triginta octo et in latum talem partem qualem ibi abeo; terminat a mane et a medio die terra Sancti Petri, a sero terra Guichardi, a cercio terra communalis. Dono in alio loco Castagneredo vocat, unam tiliam que habet in longum perticas triginta, et in latum talem partem qualem ibi habeo; terminat a cercio terra Ingelelmi, a sero terra Wicardi, a medio die encrepitum, a mane terra Ingelelmi. Dono ad Fontem Benedictam alium campum qui habet in longo perticas decem et octo, et in latum a cercio octo, a medio die sex; terminat a sero via publica, a cercio aqua currente, a mane terra Vichardi, a medio die terra Sancti Petri de Marziaco et Ingelelmi. Facio hanc donationem pro remedio anime matris meæ Eve, ut Dominus sit ei propicius in tremendi judicii die. S. Arlei, qui fieri firmarique hanc cartam rogavit. S. Vuichardi. S. Ingelelmi. S. Arlei. S. Siguini. S. Bernardi Hungri. Actum Cluniaco publice, regnante Rodberto rege.