Charta qua Constantia et filii ejus vendunt Mayberto vineam in villa Cariniaco, post mortem ejusdem Mayberti, monasterio Cluniacensi reversuram.
In nomine Verbi incarnati. Ego Constantia femina et filii mei Gyso, Adalelmus, Rotbertus, vendimus Mayberto vineam unam in Cariniaco pro IIII solidis; habet in longo perticas XI et duos pedes, in latum duas perticas in ambabus frontibus. Facio autem in eo tenore, ut quandiu Maibertus vixerit usum et fructum habeat; et post suum discessum ad Sanctum Petrum perveniat. S. Constantie. S. Gyso. S. Adalelmi. S. Rotberti. S. Teodoldi. S. Clementi. S. Alulfi. S. Sismundi. S. Gyso. Actum Cluniaco publice, regnante Rotberto rege. Burningus levita scripsit.
(Au dos:) Venditio Rotbert in Cariniaco.