Charta qua Aimo uxorque ejus Odila atque filii eorum vendunt Odulgerio et uxori ejus Osannæ curtilum in villa Usiaco.
Ego, in Dei nomine, Aymo nomine et uxor mea Odila, et filii mei Humbertus et Mainbodus, vendimus aliquid de hereditate nostra cui
dam homini nomini Odulgerio et uxori ejus Osanne, hoc est curtilum unum, et accepimus ab eo unum bovem valente sex solidos et dimidium, et fuit omne precium XI solidos. Est autem ipse curtilus in pago Matisconense, in villa quod vocatur Usiaco, in agro Griviliaco; terminat a mane via publica et terra Tetzan, a media die de ipsa hereditate, a sero terra Constant, a cercio terra Adalardi et fratri suo Legerii. Facimus autem hanc venditionem in tali conventu, ut quicquid illi placuerit faciat, cui voluerit donare donet, dehic inantea et in perpetuum. Si quis autem hanc donationem calumniaverit vel contradicere voluerit, iram Dei omnipotentis incurrat et omnium sanctorum ejus, et cum Datan et Abiron pena infernali cruciandus tradatur; et hæc venditio firma et stabilis permaneat. S. Aymonem et uxor sue Odile et filiis suis Hunberto et Mainbodo, qui hanc cartam fieri jusserunt. S. Duranni. S. Johanni. S. Tecbertus. S. Arier. S. Walbertus. S. Bernart. S. Raynoardus. S. Rotbertus. S. Odulricus. S. Constantii.
(Au dos:) Venditio Aymonem.