Albricus et uxor sua Eva et filii eorum, simulque Leterius vendiderunt monachis de Cluniaco duas perticas de prato, quod est situm in pago Matisconensi, in agro Erniacensi, in Curbeia vocant. Terminatur a mane terra Sancti Petri, a meridie et a sero de ipsa hereditate, a circio terra Josberti; habet in longum perticas viginti et octo, in latum quatuor. Qui contradixerit, libram unam de auro componat, et venditio hęc firma permaneat. Actum Besorniaco. Signum Albrici et uxoris ejus, necnon et Leterii, qui hoc fecerunt et firmari rogaverunt. S. Algisi. S. Alberti, et aliorum. Girbaldus scripsit, regnante Rotberto rege.