Charta permutationis terrarum in villa Seia inter monasterium Cluniacense et Martinum uxoremque ejus Vuarneldem.
Scamium fecit Martinus cum monachis Sancti Petri in villa Seia. In primis donat Martinus et Warneldis uxor ejus, curtilum cum vinea quę habet in concluso XXVI perticas. Econtra donant monachi jam dicto viro et uxori ejus in ipsa villa vineam unam quę habet in concluso XXVI perticas, et vocatur in agro Lanianeense; ut faciat unusquisque quicquid facere voluerit. S. Martini, Isimbardi, Brenardi, Gontardi. Actum Cluniaci, regnante Rodberto rege. Rodbertus levita scripsit.