... videtur, pro remedio animę meę et fratris mei Arnulfi, hoc est curtilem unum cum silva insimul tenente et est situm in villa Dariaco; et in alio loco campum unum ad Insartel vocitatum, et habet terminationes a mane terra Sanctę Marię, de tribus partibus Sancti Petri terra. Et in alio loco qui in Craio vocatur totam meam partem tribuo Sancto Petro. Et in villa Cotta hereditatem meam, quam de Ermengarde conquisivi, excepto uno campo qui ad Murgerio vocatur, quicquid est in vineis, campis, pratis, silvis, aquis aquarumque decursibus, totum ad integrum dono, ut faciant de his rebus rectores Sancti Petri ab hodierna die quicquid facere voluerint. Si quis autem contra hanc donationem aliquam litem inferre voluerit, nisi quam cito ad satisfactionem venerit, omni maledictioni subjaceat; et hęc donatio firma et stabilis permaneat, stipulatione subnixa. Actum Cluniaci publice. Dono etiam servum unum Danihelem. S. Anselardi, Stephani, Ildini, Arlei, Bernardi, Girberti, Bernardi, Ornadi, Aremberti. Data per manum Benedicti sacerdotis, regnante Rotberto.