Charta qua Estritburgis et filius ejus Elgaudus dant monasterio Cluniacensi, pro anima Teoderici, etc., mansum indominicatum campumque in villa Cardoniaco.
In Dei nomine. Noverint cuncti fideles, quod ego Estritburgis et filius meus Elgaudus donamus Deo et Sancto Petro et ad locum Cluniacum, pro anima Teoderici, et in locum sepulturę Estritburgis, mansum unum indominicatum in villa Cardoniaco, qui ad Warium vocatur; et terminatur a mane via publica, a medio die terra Sancti Mammetis, a sero terra Ingelberti, a circio Eldierii. Et donamus campum unum qui partitur Adaldierii. Hęc omnia donamus in presenti in locum sepulturę Estritburgis, ut faciant quod voluerint sine ullo contradicente. Actum villa Domengo. S. Estritburgis. S. Elgaudi, Ingelelmi, Oterii, Wiliberti, Otgis. Regnante Rotberto.