Charta qua Gontrudis dat monasterio Cluniacensi mansum cum appenditiis et servis in villa Vallis Misina.
In nomine Verbi incarnati. Notum sit omnibus sub norma catholicę fidei nobiliter viventibus, qualiter ego Gontrudis dono Deo et sanctis apostolis ejus Petro et Paulo, pro remedio animę meę et filii mei Bladini, aliquid de mea hereditate quę sita est in pago Augustidunensi, in villa Vallis quę vulgo Vallis Misina vocatur: hoc est unum mansum cum servo qui in eo manet, nomine Adalbaldo, et uxore ejus Osanna nomine, et infantibus eorum, et cum omnibus ad ipsum mansum pertinentibus, et alium servum, nomine Constantium. Et ut hęc nostra donatio firma permaneat, manu propria firmavi testibusque tradidi ro
borandam. S. Gontrudis, quę fieri et firmare rogavit. S. Frodeldis, filię ipsius. S. Gonterii archipresbiteri. S. Job presbiteri. S. Loddonis. Actum Cluniaci publice, die veneris, regnante Rotberto rege.