Charta qua Durannus et uxor ejus Guatildis dant monasterio Cluniacensi quatuor rascias vineæ in villa Montellio.
In nomine Verbi incarnati. Noverint omnes fideles, quod ego Durannus, cum uxore mea Guatilde, donamus Deo et sanctis apostolis ejus Petro et Paulo, ad locum Cluniensem, aliquid ex rebus nostris quę sitę sunt in villa Montellio, id est quatuor rasses de vinea, terminantem his terminis, a mane et a circio terra Sancti Petri, a sero terra Duranni, totum ad integrum dono; et in alio loco dono unum campum habentem in fronte IIIIor perticas, in longum XVIII, totum ad integrum dono, ut post hunc diem faciant monachi Sancti Petri quicquid voluerint. S. Duranni et uxoris ejus Guatildis, qui fecerunt et firmare rogaverunt. S. Sigbaldi, Adalbaldi, Eldini, Raynardi, Raimbaldi. S. Nadalis, filii supradicti viri. Actum Cluniaci publice, regnante Rotberto rege. Almannus levita scripsit.