Charta qua Gonterius dat monasterio Cluniacensi curtilum cum vinea in villa Marchisocto.
In nomine Verbi incarnati. Notum sit cunctis sane sapientibus, qualiter ego Gonterius dono Deo et sanctis ejus apostolis Petro et Paulo ad locum Cluniacum, aliquid de mea hereditate quę sita est in pago Matisconensi, in villa Marchisocto: hoc est curtilum unum cum vinea, quę terminatur de uno latere Rotlan, de alio terra Hucberti, de una fronte terra Sancti Petri. Facio autem hanc donationem pro remedio animę meę, et tali tenore, ut quamdiu vixero teneam et possideam, et post meum obitum ad memoratum locum perveniat. Si quis autem nostram donationem infringere presumpserit, a consortio fidelium excommunicatus sit. Et ut firmius permaneat, manu propria firmavi, testibusque tradidi roborandam. S. Gonterii, qui istam cartam fieri jussit. Actum Cluniaci publice. Teodbaldus levita scripsit, regnante Rotberto rege.