Charta qua Odo dat monasterio Cluniacensi mansum indominicatum et alias res cum duobus servis in villa Lornanno.
Omnibus sub norma catholicę fidei militantibus notum esse volumus, quod ego Oddo, pro animę meę remedio, dono Deo et sanctis apostolis Petro et Paulo et ad locum Cluniacum res meas quę sunt in villa Lornanno; id est mansum indominicatum et quicquid ad ipsum aspicit vel aspicere videtur: hoc est campos, vineas, prata, silvas, quęsitum et ad inquirendum. Et alias res quas Rodlennis dedit Bernardo quęsitum et ad inquirendum, in ipsa villa Lornanno, totum ad integrum, et quantum foris ipsa villa habetur, quod ad ipsam donationem aspicit. Facio autem hanc donationem in presenti, ut semper et omni tempore monachi Clunienses teneant, sine ullo contradicente. Si quis autem contra hanc donationem consurgere temptaverit, nisi quam cito resipuerit, omni maledictione subjaceat, et vindicare minime valeat; sed hęc donatio firma et stabilis permaneat. S. Oddonis, qui fieri et firmare rogavit. S. Bernardi et uxoris ejus Emmę, qui consenserunt. S. Maioli. S. Israhel. S. Milonis, Antelmi, Aydoardi. S. Ingelelmi, Ledpranni. S. Bernardi, Odilonis, Gauseranni, Arlei, Sivuini. S. Sofredi. Dono et servos his nominibus: Martinum et Durannum, cum uxore et infantibus ejus. Actum Lordoni publice, regnante Rotberto. Aldebaldus scripsit.