In nomine Verbi incarnati. Notum sit cunctis fidelibus, quod ego Bladinus dono Deo et sanctis ejus apostolis Petro et Paulo, ad locum Cluniacum, aliquid de mea hereditate, pro remedio animę meę et in locum sepulturę: hoc est unum campum qui habet in longum perticas XVI, et in lato perticas VIIII et pedes VIII. Est autem situs in villa Maciaco et in Craio vocatur, terminaturque a mane terra Bernardi, a medio die de ipsa hereditate, a sero terra francorum, a circio terra Sancti Martini. S. Anselmi, filii memorati Bladini, qui hanc cartam fieri et firmare rogavit. S. Gausmari presbiteri. S. Rainę. S. item Anselmi, Bernardi, Adalgisi, Eldrici, Aremberti, Ledbaldi. Actum Cluniaci publice, regnante Rotberto rege.